“Agrobank” aksiyadorlik tijorat banki o’z faoliyatini Markaziy bankning 2014 yil 29 avgustdagi 78-sonli litsenziyasi asosida amalga oshiradi. Moliya-kredit muassasasi respublikadagi eng yirik beshta banklardan biridir. Muassasa 2010 yilda mamlakat Prezidentining qarori bilan “Paxtabank” ATB bazasida tashkil etilgan bo’lib, u o’z navbatida paxtani yetishtirish va qayta ishlash bilan shug’ullanadigan korxonalarni kreditlashga ixtisoslashgan. Transformatsiyadan so’ng yangi bank oldiga avvalambor qishloq xo’jaligi, xususan paxta va g’allani qayta ishlash sanoati bilan shug’ullanuvchi xo’jalik yurituvchi sub’ektlarni, shuningdek ushbu xo’jaliklarning mahsulotlarini qayta ishlash, saqlash, yetkazib berish va sotish bilan shug’ullanadigan tegishli korxonalarni kreditlash va ularga xizmat ko’rsatishni rivojlantirish vazifasi qo’yildi. Agrobankning eng yirik aksiyadori (50 foizdan ortiq) Moliya vazirligi, shuningdek, O’zbekiston tiklanish va taraqqiyot jamg’armasidir (19 foiz). Bosh ofisi Toshkent shahrida joylashgan. Moliya muassasasining filial tarkibida 12 ta hududiy bo’limlar, 170 ta filial tashkilotlari, 248 ta mini-ofislar, 102 ta maxsus kassalar va 231 ta pul o’tkazmalarini qabul qilish va berish punktlari mavjud. Tashkilotda hammasi bo’lib sakkiz mingdan ortiq xodim ishlaydi.

Bank muassasasining asosiy sa’y-harakatlari iqtisodiyotning real sektoridagi loyihalarga yo’naltirilgan bo’lsada, shuni ham ta’kidlash joizki, o’z faoliyatini diversifikatsiya qilish maqsadida bank chakana savdo yo’nalishini faol rivojlantirib, aholiga bir qator kredit va jamg’arma mahsulotlarini taklif qilmoqda, Agrobank Onlayn mobil ilovasi orqali zamonaviy onlayn xizmatlarga e’tibor qaratmoqda va ipoteka kreditlarini taqdim etib kelmoqdi. O’zbekiston Rossiyadan jismoniy shaxslardan pul o’tkazmalarini qabul qilish bo’yicha birinchi o’rinda turadi. Agrobank 2019 yildan boshlab Rossiya Federatsiyasining Sberbank kartalaridan o’tkazmalar tizimini ishga tushirdi va shu bilan birga tegishli bozorda o’z ulushini sezilarli darajada oshirdi.

Real sektorda ishlashning o’ziga xos xususiyati tufayli yuridik shaxslar uchun qator klassik takliflardan tashqari, bank bir qator ixtisoslashtirilgan mahsulotlarni taklif qiladi, ya’ni: tomchilatib sug’orish tizimini joriy etishni moliyalashtirish, hunarmandlarga imtiyozli kreditlar, oilaviy biznes uchun maxsus kreditlar, kichik va o’rta biznes uchun turli dasturlar.